Club de lectura As Catro Esquinas Do Quinto

Pola proposta das profesoras de lingua e literatura, e por iniciativa deste clube de lectura, creouse esta páxinas cos concursos que están en marcha no noso instituto. Neste momento hai dous en marcha, pero esta páxina irase renovando a medida que saian novas propostas:
Estas son as bases:
1º-SORTEO DO DÍA DOS NAMORADOS

Este concurso é moi sinxelo. Trátase de que busques unha cita, uns versos dun poema, un fragmento dunha canción, dunha novela… en definitiva, PALABRAS QUE FALEN DE AMOR OU DESAMOR, DE QUERER OU DE ODIO.

Busca as palabras máis axeitadas, despois pide un papel en conserxería e escríbeas nel (con boa letra e sen faltas); por detrás indica o teu nome e curso. Tes dereito a entregar dous papeis, un en galego e outro en castelán. A túa aportación será exposta no taboleiro do sorteo.

SÓ POR PARTICIPAR ENTRAS NO SORTEO DE:

- Lote de libros

- Material de librería

- CD

- ¿?

O sorteo celebrarase o último día antes do entroido. ¡PARTICIPA!

2º-CONCURSO DO ENTROIDO 2009

ESCRIBE O TEU TEXTO LITERARIO: RELATO CURTO, POEMA, MONÓLOGO, RAP...

¡O QUE TI QUEIRAS!

O TEMA TEN QUE SER O ENTROIDO E TERÁ QUE LEVAR AS SEGUINTES PALABRAS:

1.- PELIQUEIRO, XINZO, ENTROIDO...

OU SE PREFIRES

2.- A RECEITA PARA FACER ORELLAS

3.- O SISTEMA PARA FACER O DISFRAZ MAIS ORIXINAL

INVENTA UNHA CANCIÓN, UN RELATO, UN POEMA CON ALGUNHAS DAS TRES OPCIÓNS ANTERIORES. PODEDES PARTICIPAR DE MANEIRA INDIVIDUAL OU EN GRUPO.

XURADO.- O XURADO ESTÁ INTEGRADO POR COMPOÑENTES DO CLUB DE LECTURA (QUE NON PARTICIPEN)

PREMIOS.- DOUS PREMIOS

1º PREMIO.- BONO DE 60 EUROS (para material deportivo, escolar, música…)

2º PREMIO.- BONO DE 40 EUROS

OS PREMIOS PODEN QUEDAR DESERTOS

DATA DE PRESENTACIÓN

-ATA O DÍA 13 DE FEBREIRO

FORMA DE PRESENTACIÓN

- Na conserxería haberá unha caixa, nun sobre grande inclúe o teu traballo cun pseudónimo, xunto con outro sobre pechado que teña o dentro o teu pseudónimo e os teus datos.

ENTREGA DOS PREMIOS

- SE A CANTIDADE E CALIDADE DOS VOSOS TRABALLOS O PERMITE FAREMOS O DÍA ANTES DO ENTROIDO UNHA LECTURA DOS MELLORES TEXTOS CO FIN DE FACER UNHA VOTACIÓN “POPULAR”.
¡¡¡¡¡PARTICIPA!!!!!